• Пт. Июн 25th, 2021

Պարենային դեֆիցիտի առաջացման վտանգ չկա․ Արցախի պետնախարար

Сен 29, 2020

«Ռազմական գործողությունների մեկնարկից անմիջապես հետո Արցախի նախագահի կարգադրությամբ և իմ գլխավորությամբ կազմավորվել է օպերատիվ խումբ»,- այս մասին սեպտեմբերի 29-ի ասուլիսին հայտնեց Արցախի պետնախարար Գրիգորի Մարտիրոսյանը։  Նրա խոսքով՝  քաղաքացիական պաշտպանության համակարգը ռազմական գործողությունների առաջին օրից բերվել է բարձր, ապա լրիվ աշխատանքային ռեժիմի։ 

Բոլոր այն բնակավայրերում, որտեղ  խաղաղ բնակչությունը ենթարկվել է հրետակոծության կամ այլ հարձակումների, իրականացվել է բնակչության պատսպարում, ապա նաև տարհանում։ Վերջիններս գտնվում են կառավարության և օպերատիվ խմբի ուշադրության կենտրոնում և ապահովված են անհրաժեշտ պարագաներով ու  սննդով։ Պետնախարարը տեղեկացրեց, որ կազմվում են պարենային փաթեթներ։ Այս պահին պատրաստված է 1 500 բնակչի հաշվով, աշխատանքները շարունակվում են՝ ըստ անհրաժեշտության։

Գրիգորի Մարտիրոսյանը վստահեցրեց, որ հանրապետության մասշտաբով պարենային դեֆիցիտի առաջացման վտանգ չկա։  Ահրաժեշտության դեպքում կօգտագործվի կառավարության կողմից ձևավորված պետական պահուստը։ 


Ժաննա Ավագյան

https://www.civilnet.am/news/2020/09/29/%D5%8A%D5%A1%D6%80%D5%A5%D5%B6%D5%A1%D5%B5%D5%AB%D5%B6-%D5%A4%D5%A5%D6%86%D5%AB%D6%81%D5%AB%D5%BF%D5%AB-%D5%A1%D5%BC%D5%A1%D5%BB%D5%A1%D6%81%D5%B4%D5%A1%D5%B6-%D5%BE%D5%BF%D5%A1%D5%B6%D5%A3-%D5%B9%D5%AF%D5%A1%E2%80%A4-%D4%B1%D6%80%D6%81%D5%A1%D5%AD%D5%AB-%D5%BA%D5%A5%D5%BF%D5%B6%D5%A1%D5%AD%D5%A1%D6%80%D5%A1%D6%80/397363