Ամերիկայի ձայն. Հայաստանը հայտարարում է, որ ‘’կդիմի անհրաժեշտ բոլոր միջոցներին’’

Հայաստանը հայտարարում է, որ ‘’կդիմի անհրաժեշտ բոլոր միջոցներին’’ հայերին ադրբեջանցիներից պաշտպանելու համար: Այս մասին է իր ընթերցողներին տեղեկացնում ‘’Ռոյթըրս’’ լրատվական գործակալությունը` պատմելով յոթերորդ օրը շարունակվող հայ-ադրբեջանական մարտերի եւ դրանք դադարեցնելու շուրջ միջազգային ձախողված ջանքերի մասին

Նույն գործակալությունը հիշեցնում է Ադրբեջանի այն հայտարարությունները, որոնց համաձայն տասնամյակների պատմություն ունեցող հակամարտության այսպիսի շարունակության համար ամբողջ պատասխանատվությունն ընկնում է Հայաստանի վրա: Հակամարտություն, որն, ըստ ‘’Ռոյթըրս’’-ի, կարող է իր մեջ ներքաշել տարածաշրջանային այնպիսի պետությունների, ինչպիսիք են Ռուսաստանն ու Թուրքիան:

‘’Իսկ Ադրբեջանի նախագահի ու Հայաստանի վարչապետի հետ Ֆրանսիայի նախագահ Էմանուել Մակրոնի հեռախոսազրույցներից հետո, որով նա ներկայացնում էր միջնորդության նոր առաջարկ, երկու կողմերից հռետորաբանությունն ավելի է խստացել’’, գրում է լրատվական գործակալությունը:

Մամլո գործակալությունն իր ընթերցողներին նաեւ տեղեկացնում է, որ Հայաստանի զինված ուժերը մինչ այժմ չեն մասնակցել Լեռնային Ղարաբաղում ընթացող մարտերին: ‘’Սակայն Հայաստանի վարչապետ Նիկոլ Փաշինյանը, ժողովրդին հղված հեռուստատեսային իր ուղերձում շաբաթ օրն այս հակամարտությունն անվանել է ազգային պայքար ու այն համեմատել 20-րդ դարի սկզբին օսմանյան Թուրքիայի դեմ իր երկրի կողմից մղված պատերազմի հետ:

Մամլո գործակալությունն իր ընթերցողներին նաեւ տեղեկացնում է, որ Հայաստանի զինված ուժերը մինչ այժմ չեն մասնակցել Լեռնային Ղարաբաղում ընթացող մարտերին: ‘’Սակայն Հայաստանի վարչապետ Նիկոլ Փաշինյանը, ժողովրդին հղված հեռուստատեսային իր ուղերձում շաբաթ օրն այս հակամարտությունն անվանել է ազգային պայքար ու այն համեմատել 20-րդ դարի սկզբին օսմանյան Թուրքիայի դեմ իր երկրի կողմից մղված պատերազմի հետ:

‘’Սա նոր Սարդարապատ է, եւ մեզնից յուրաքանչյուրը պետք է պատրաստ լինի իրեն նվիրելու մեկ նպատակի, որի անունն է Հաղթանակ’’, ասել է Փաշինյանը:

‘’Ռոյթըրս’’-ն այնուհետեւ հիշեցնում է Հայաստանի արտգործանախարարության այն հայտարարությունը, ըստ որի, Հայաստանը, լինելով Լեռնային Ղարաբաղի անվտանգության երաշխավոր, դիմելու է ‘’անհրաժեշտ բոլոր միջոցներին ու միջամտելու է, կանխելու համար ադրբեջանական ուժերի ու նրա դաշնակից Թուրքիայի հետ իրականացվող ‘’զանգվածային բռնությունները’’:

Իսկ Ադրբեջանն ու Թուրքիան շարունակում են հերքել թուրքական ուժերի մասնակցության մասին փաստերը, ինչպես նաեւ Հայաստանի, Ռուսաստանի ու Ֆրանսիայի այն պնդումները, որոնց համաձայն, ադրբեջանական կողմից կռվում են նաեւ Սիրիայից բերված ապստամբներ:

Ըստ ‘’Ռոյթըրս’’-ի, Ադրբեջանը պատասխանում է, հայտարարելով, թե Սիրիայից, Լիբանանից, Ռուսաստանից, Վրաստանից, Հունաստանից ու Արաբական Միացյալ Էմիրություններից էլ տեղի հայեր են տեղակայվում, գործելու համար, ինչպես ադրբեջանցիներն են ասում, ‘’որպես օտարերկրյա ահաբեկիչներ’’:

Իր ընթերցողներին ‘’Ռոյթըրս’’-ը հիշեցնում է, որ 1990-ականներից ի վեր սկսվել են հայ-ադրբեջանական ամենախոշորամասշտաբ բախումները, ինչն առաջ է բերել Հարավային Կովկասի կայունության շուրջ միջազգային խորը մտահոգություն: Լրատվական գործակալությունը հիշեցնում է, որ հենց այստեղով են դեպի համաշխարհային շուկաներ անցնում ադրբեջանական նավթն ու գազը տեղափոխող խողովակաշարերը:

ՀաղթելուԵնք

Ի՞նչ ԱԺ, ի՞նչ կառավարություն, ի՞նչ Փաշինյան. իրենք կախված են Պուտինի հորանջելուց

Read More
ՀաղթելուԵնք

Մատաղիսում ականի պայթյունից վիրավորված ՊԲ փոխգնդապետին տեղափոխել են Ադրբեջան

Դեպքի մասին ֆեյսբուքյան իր էջում հայտնել է վիրավորած զինվորականի կինը՝ Սոֆյա Թևոսյանը, որը գրել է. «Այլևս անկարող եմ լռել։ Մատաղիսում իր զինվորների դիերը դուրս բերելիս, ականի պայթյունից վիրավորում ստացած ՊԲ փոգնդապետն իմ ամուսինն է, որին ադրբեջանցի զինծառայողն առաջին օգնություն է ցուցաբերել ու իր մեքենայով հասցրել մինչև մեր սահման։ Ադրբեջանցի գնդապետը տեղում զոհվել է,իսկ ամուսինս և […]

Read More
ՀաղթելուԵնք

Մոսկվային Փաշինյանի հրաժարականը ձեռնտու չէ

Նիկոլ Փաշինյանը կմեկնի Մոսկվա։ Վարչապետը որոշում է ստորագրել, ըստ որի վարչապետի աշխատակազմի արարողակարգի բաժնի պետ Էդուարդ Հարությունյանը 2020 թվականի նոյեմբերի 30-ից մինչև դեկտեմբերի 4-ը ներառյալ գործուղվում է Ռուսաստանի Դաշնություն (Մոսկվա)՝ Հայաստանի Հանրապետության վարչապետի այցը կազմակերպելու և անցկացնելու նպատակով: Այցի վերաբերյալ այլ մանրամասներ չեն հրապարկվել։ Քաղաքագետ Ռոբերտ Ղևոնդյանի կարծիքով՝ այս ընթացքում Ռուսաստանը  որևէ կերպ ցույց չի […]

Read More
%d такие блоггеры, как: