Ադրբեջանի նախագահը տագնապած զանգահարել է Պուտինին. Նոր թույլ օղակը

Կրեմլի մամուլի ծառայությունը հայտնում է նախօրեին ադրբեջանական կողմի նախաձեռնությամբ տեղի ունեցած Պուտին-Ալիև հեռախոսազրույցի մասին, որի ընթացքում, բացի երկկողմ հարցերից, անդրադարձ է եղել նաև ռեգիոնալ հարցերին՝ «հայ-ադրբեջանական հուլիսյան լարվածության համատեքստում»:

Հատկանշական է այն, որ Պուտինի հետ զրույցի Ալիևի նախաձեռնությունը տեղի է ունենում թուրք-ադրբեջանական զորավարժությունների ֆոնին, որոնք ծավալվում են նաև Նախիջևանում: Պուտինն, ըստ հաղորդագրության, խոսել է լարվածության սրացման ունակ գործողությունները բացառելու կարևորությունը:

Ի՞նչն է ստիպել թուրքական բավականին աշխույժ և գործուն աջակցություն ստացող Ալիևին զանգահարել Պուտինին: Նա զանգահարել է նոր շանտաժի՞, թե՞ հակառակը՝ ինչ-որ բան խնդրելու համար: Հայկական բանակի հասցրած հուլիսյան հակահարվածից հետո՝ ի պատասխան ադրբեջանական սադրանքի, Ադրբեջանի նախագահը հայտնվել էր ակնհայտ ցայտնոտում: Ի վերջո, նա պատասխանատվությունը կախեց արտգործնախարար Մամեդյարովի և դիվանագիտական կորպուսի վրա: Ամբողջ հարցն այն է, որ այդ քայլը ոչ միայն պատասխանատվության օբյեկտի կամ քավության նոխազի փնտրտուքի արդյունք էր կամ ընտրություն, այլ նաև որոշակի իմաստով հակառուսական դեմարշ:

Ավելին, օրերս իր առաջին այցը Անկարա կատարել էր Մամեդյարովի փոխարեն նշանակված Ջեյհուն Բայրամովը, որը արտգործնախարար է ըստ էության օդից՝ հաշվի առնելով այն, որ չունի դիվանագիտական մասնագիտություն, դիվանագիտական աշխատանքի փորձ, տնտեսագետ է և իրավաբան, եղել է կրթության նախարար: Արդյոք դա նշանակո՞ւմ է, որ Իլհամ Ալիևն այդ քայլով ըստ էության ցույց է տալիս ադրբեջանական դիվանագիտության մեջ ռուսական ազդեցությունն «արմատախիլ» անելու մտադրություն՝ հաշվի առնելով, որ Մամեդյարովը ըստ էության այդ ազդեցության յուրօրինակ գործակալ էր: Չի բացառվում, որ այդ քայլերից հետո Ադրբեջանի նախագահը անցնում է Ռուսաստանի հետ լարվածությունը որոշակի մեղմելու նախաձեռնության, որովհետև հազիվ թե Ալիևը ունենա ներկայիս վիճակում շանտաժի տրամաբանության վերադառնալու անմտություն:

Մյուս կողմից՝ իհարկե, Ալիևի նախաձեռնության մեջ պետք է նկատել թերևս մեկ այլ նրբերանգ: Նա զանգահարում է Պուտինին բելառուսական ճգնաժամի ֆոնին: Մենք առիթ ունեցել ենք գնահատելու, որ այդ ճգնաժամը ամենևին լոկ ներբելառուսական կամ անգամ բելառուսառուսական չէ: Այդ ճգնաժամը փոխում է եվրասիական ռեգիոնի ստատուս-քվոն և կարող է փլուզել ավանդական հարաբերությունների մի ամբողջ համակարգ:

Հատկանշական է, որ Ադրբեջանի նախագահ Ալիևն առայժմ առաջինը և միակն է, որ հեռախոսազրույց է ունեցել Լուկաշենկոյի հետ, ընդ որում՝ հենց հետընտրական առաջին թեժ գիշերից հետո: Պետք չէ բացառել, որ նա հավակնում է ինչ-ինչ միավորներ վաստակել Պուտինի և Լուկաշենկոյի միջև միջնորդության փորձով՝ ձգտելով թույլ չտալ եվրասիական գոտու ավանդական հարաբերությունների որևէ փլուզում, կամ առավել ևս ունենալով մտավախություն, որ Լուկաշենկոյից հետո ինքը կարող է դառնալ այդ ռեգիոնի նոր թույլ օղակը:

ՀաղթելուԵնք

Ի՞նչ ԱԺ, ի՞նչ կառավարություն, ի՞նչ Փաշինյան. իրենք կախված են Պուտինի հորանջելուց

Read More
ՀաղթելուԵնք

Մատաղիսում ականի պայթյունից վիրավորված ՊԲ փոխգնդապետին տեղափոխել են Ադրբեջան

Դեպքի մասին ֆեյսբուքյան իր էջում հայտնել է վիրավորած զինվորականի կինը՝ Սոֆյա Թևոսյանը, որը գրել է. «Այլևս անկարող եմ լռել։ Մատաղիսում իր զինվորների դիերը դուրս բերելիս, ականի պայթյունից վիրավորում ստացած ՊԲ փոգնդապետն իմ ամուսինն է, որին ադրբեջանցի զինծառայողն առաջին օգնություն է ցուցաբերել ու իր մեքենայով հասցրել մինչև մեր սահման։ Ադրբեջանցի գնդապետը տեղում զոհվել է,իսկ ամուսինս և […]

Read More
ՀաղթելուԵնք

Մոսկվային Փաշինյանի հրաժարականը ձեռնտու չէ

Նիկոլ Փաշինյանը կմեկնի Մոսկվա։ Վարչապետը որոշում է ստորագրել, ըստ որի վարչապետի աշխատակազմի արարողակարգի բաժնի պետ Էդուարդ Հարությունյանը 2020 թվականի նոյեմբերի 30-ից մինչև դեկտեմբերի 4-ը ներառյալ գործուղվում է Ռուսաստանի Դաշնություն (Մոսկվա)՝ Հայաստանի Հանրապետության վարչապետի այցը կազմակերպելու և անցկացնելու նպատակով: Այցի վերաբերյալ այլ մանրամասներ չեն հրապարկվել։ Քաղաքագետ Ռոբերտ Ղևոնդյանի կարծիքով՝ այս ընթացքում Ռուսաստանը  որևէ կերպ ցույց չի […]

Read More
%d такие блоггеры, как: