• Вт. Мар 2nd, 2021

ARM.C

news

Միանշանակ վերցնելու եմ մանդատը. Նարեկ Ղահրամանյան

Автор:admin

Сен 10, 2020

Ինչպես արդեն հայտնել ենք, մանդատը վայր դնելու մասին հայտարարած Արսեն Ջուլֆակյանին կփոխարինի Նարեկ Ղահրամանյանը, ով «Իմ քայլը» դաշինքի համամասնական ցուցակի հաջորդ համարն է:

Freenews.am-ի հետ զրույցում Նարեկ Ղահրամանյանն ասաց՝ մանդատը  միանշանակ պիտի վերցնի, ինչը կարող է իրեն խանգարել չվերցնել այն: 

Հարցին, թե  2018-ին Նիկոլ Փաշինյանի որոշմամբ Կապանի քաղաքապետի պաշտոնակատար նշանակվելուց հետո ի՞նչ գործունություն է ծավալել, Նարեկ Ղահրամանյանը պատասխանեց.

«Ակտիվ գործունեությամբ չեմ զբաղվել, զբաղվել եմ կուսակցական գործունեությամբ և անհատ ձեռնարկատիրությամբ»:

Ինչ վերաբերում է հավանական մանդատը վերցնելու մասին խմբակցության հետ ունեցած քննարկմանը, Նարեկ Ղահրամանյանն ասաց, որ խոսակցություն արդեն եղել է, սակայն շեշտեց՝ խմբակցության հետ խոսակցություն միշտ է լինում, այնպես չէ որ միայն հիմա են այս թեմայով խոսել:

Խոսելով ապագա գործունեության մասին՝ Նարեկ Ղահրամանյանն ասաց.

«Ինձ  համար առաջնայինը մեր տարածաշրջանի հետ կապված խնդիրներն են լինելու»:

Հիշեցնենք, որ երեկ Աժ «Իմ քայլը» խմբակցության պատգամավոր Արսեն Ջուլֆալակյանը հայտնել էր, որ դիմել է  ԱԺ նախագահ Արարատ Միրզոյանին պատգամավորական մանդատը վայր դնելու կապակցությամբ: