Շատ վաղուց բարի լույս և բարի գիշեր չեմ ասում, նաև չեմ շնորհավորում ընկերներիս ծննդյան օրերը, սիրտ չունեմ, անկեղծ ասած։ Թե չէ իսկապես այսօր մեզ բարի է պետք, լիքը բարի ու բարիք․․․ Մենք այսօր մի իրավիճակում ենք, որ չունենք ոչ ինքնիշխանություն, ոչ ապագայի տեսլական, գոնե կարճաժամկետ, ոչ էլ այն հայրենիքը, որը կար մինչև սեպտեմբերի 27-ը։ Ու սրա միակ պատճառը պոռոտախոսությունն ու գործ չանելն է, անգրագիտությունն ու մեծամտությունն է, միատարր ազգին մասերի բաժանելն ու թշնամացնելն է, ինչպես նաև վեհ արժեքների արժեզրկումն է, ինչպիսինն է Հայրենիքը, Ընտանիքը, Եկեղեցին, Ընկերությունը․․․ Խոստովանեք, քանի ընկեր թշնամի դարձան վերջին տարիների ընթացքում, քանի ընտանիքներում կտրվեց կապը հարազատ ընտանիքների հետ քաղաքական խորը թշնամանքի պատճառով․․․
Մեր տունը քանդեց ֆեյսբուքը, անիծվես դու, ֆեյսբուք հորինող․․․